Словенија: Македонци украле 152 литри дизел од камион, двајца се веднаш уапсени третиот влегол во кафеана

Тројца Македонци фатени како со пумпа крадат нафта од паркиран камион во Словенија. 

„Изминатата недела, жител на словенечкото место Бивје забележал тројца сомнителни мажи како се врткаат околу паркиран камион „Сканија“, па откако почекал да види какви им се намерите, ги фатил на дело како со пумпа крадат гориво од резервоарот“, пишуваат словенечките медиуми.

Како што пренесуваат медиумите во Словенија, сведокот на кражбата веднаш повикал полиција, по што двајца од крадците биле веднаш уапсени, а третиот побегнал во блиската кафеана, каде се криел околу половина час, пред да биде фатен. Имено, тие од камионот украле 152 литри дизел.