Словенечките екологисти протестираа пред Собранието

-Неколку стотина граѓани и членови на невладини еколошки здруженија протестираа пред словенечкото Собрание, бидејќи сметаат дека државата може со закон да го ограничи нивното учество во процесите на носење одлуки поврзани со природата во земјата.

Денеска во Собранието се расправа за амандман на Законот за заштита на природата, предложен од десничарската Словенечка национална партија (СНС), кој предвидува заострување на условите по кој невладиниот сектор и еколошките здруженија ќе можат да учествуваат во креирањето на законите.

-Тоа е војна против зачувувањето на природата во Словенија. Доколку амандманиот се прифати, природата во земјата ќе биде ставена на продажба, предупредуваат насобраните на протестот.