Словенец ќе биде главен судија во финалето на Лигата на шампионите

УЕФА го одреди судијата за финалето на Лигата на шампионите. Тоа ќе биде Славко Винчиќ.

Словенецот долго време е судија од елитната група, а ова несомнено ќе биде најголемиот меч во неговата кариера.

Реал Мадрид и Борусија Дортмунд ќе се сретнат во финалето на Лигата на шампионите на стадионот „Вембли“.

Словенецот оваа сезона судеше на пет натпревари во Лигата на шампионите.

Натпреварот по кој ќе дознаеме кој ќе биде новиот шампион на Европа е закажан за 1 јуни.