Словачка се заканува со вето на новите санкции против Русија
Словачка може да стави вето на следниот пакет санкции на ЕУ против Русија доколку Европската комисија не понуди решение за енергетската криза со која се соочува земјата, предупреди премиерот Роберт Фицо, пренесува ДПА.
„Република Словачка нема да го поддржи предложениот 18-ти пакет санкции против Руската Федерација доколку не добиеме реално решение за ситуацијата што ќе настане по целосниот прекин на снабдувањето со гас, нафта и нуклеарно гориво од Русија“, напиша Фицо на Фејсбук.
Словачка, членка на ЕУ и НАТО, силно зависи од руската енергија. Намалувањето на дотурот на гас преку Украина доведе до тензии со Киев и го зголеми стравот во Братислава за идната сигурност на снабдување.
Минатата недела, словачкиот парламент со мала разлика изгласа необврзувачка резолуција со која бара од владата да се спротивстави на санкции што штетат на националната економија.
Фицо, кој е левичарски националист, често ги критикуваше санкциите, тврдејќи дека ѝ штетат повеќе на Словачка отколку на Русија. Сепак, за разлика од унгарскиот премиер Виктор Орбан, Фицо и неговата влада досега ги поддржаа сите санкции.
Словачка, заедно со Унгарија и привремено и Чешка, доби изземање од забраната за увоз на руска нафта, за да развие алтернативни канали за снабдување.
Ново на Сител
-
Поради штрајкот на француските контролори на летање откажани повеќе од 1.500 летови
-
ФК Силекс со бесплатен превоз и карти за натпреварот со ФК Дечиќ
-
СПM: Се заострува негаторската политика кон македонскиот идентитет и јазик
-
Путин и Трамп разговараа за Украина и историските врски меѓу Русија и САД
-
Уапсен мотоциклистот кој избега откако усмрти скопјанец на кеј
-
Во Германија уапсен маж, кој со секира повреди четири лица
-
Зеленски: За постигнување на мир во Украина неопходна е лидерска средба
-
Mинистерот Муцунски се сретна со амбасадорката на САД, Агелер