-->
-->
Слаб род на сината слива во Пијанец
-->
Пијанечките овоштари годинава бележат рекордно низок род на модрата слива, еден од најпознатите во овој крај од Источна Македонија.
– Минатата година ситуацијата беше спротивна, имавме род, но немаше кој да ни ги откупи сливите. Годинава поради измрзнување во зимскиот и посебно во пролетниот период кога имавме ниски температури, родот е преполовен и овоштарите повторно имаат прилично лоша година зад себе. Сега и сушата создаде дополнителни проблеми, така што и оваа година ќе биде промашена за нас, кога е сината слива во прашање, вели Атанас Ангеловски, кој се занимава со овоштарство.
Ваквата состојба ја потврдуваат и приватните сопственици на насади со слива, како и од компанијата ,,Рудине”, од каде велат дека единствена светла точка во целата ситуација е тоа што онаа слива што ја има како род, ќе биде со добар квалитет.
Од ,,Рудине” велат дека овоштарите во иднина треба да се преорирентираат кон засадување на култури како малина, која е ретко застапена на овие простори, а достигнува висока цена на странскиот пазар.
– Оваа година ние за прв пат имаме добар род од нашите плантажи со малина. Очекуваме да набереме околу 10 тони од оваа култура, која им ја препорачуваме на овдешните овоштари, бидејќи пласманот е сигурен, а и цената е прифатлива, велат од „Рудине“.
Во Пијанец има 252 илјади садници со сини сливи засадени на околу 650 хектари. Минатата година произведени беа рекордни 12 илјади тони сина слива
-->
-->
-->
Ново на Сител
-
Клековски: Лекови мора да има и ќе има за сите– имаме решение за проблемите во здравството
-
Истрага за две разбојништва извршени од 25-годишник во Скопје
-
ОН бараат Израел да го прекине „незаконското“ присуство на Западниот Брег и Источен Ерусалим во рок од 12 месеци
-
Најмалку тројца загинати, стотици ранети во нови експлозии во Либан
-
Исчезнато 45-годишно лице со здравствени проблеми од скопска Кисела Вода
-
Ограбена спортска обложувалница во Чаир
-
Драчевчанец споделувал експлицитни содржини од неговата малолетна девојка
-
Малолетник нападнат од повеќе лица во средно училиште во Бутел