Скопски цветен фестивал
Под мотото „Во боите на виножитото” денеска и утре во Градски парк ќе се одржи 5. Скопски цветен фестивал.
Фестивалот го организира ЈП „Паркови и зеленило”, а е под покровителство на Град Скопје. Ќе почне од фонтаната „Лотосов цвет“ со цветно дефиле на деца од предучилишните установи и основните училишта, облечени во боите на виножитото, кои ќе се движат низ пет различни патеки во паркот. Дефилето ќе го пратат повеќе од 200 велосипедисти.
По свеченото отворање следуваат настапи на повеќе музички и драмски изведувачи, а посетителите ќе имаат можност да учествуваат и во целодневни активности кои ги нуди програмата: да проследат шоу со магионичари, да вежбаат јога и зумба на отворено, да слушаат музика, да погледнат и учествуваат во најразновидни цветни перформанси.
Целта на фестивалот е на едно место да ги собере сите љубители на цвеќето и природата, уредувањето на околината, уметници, деца и ученици кои што на овој простор ќе ја изразат својата умешност со цвеќето, декорацијата и дизајнот, да се промовира одгледувањето цвеќе пред граѓаните, најмладите да се вклучат во работилници, да ја покажат својата креативност и да научат нешто повеќе за цвеќето, како и да се подигне јавната свест за заштита на животната средина.
Оваа година на манифестацијата ќе се претстават повеќе од 37 изложувачи - цвеќари и фирми за хортикултурно и пејзажно уредување, институции и невладини организации од област на екологија.
Манифестацијата ќе биде отворена до недела.
Ново на Сител
-
Мицкоски и Таравари разговарале за принципите за идно коалицирање и заедничка соработка
-
Уапсени во Косово маж и жена, руски државјани, влегле од Србија без визи
-
Зеленски до Парламентот поднесе предлог-закон за продолжување на мобилизацијата
-
Обид за убиство на политичар во северно Косово, од партијата велат дека се вмешани Белград и Радоичиќ
-
Единаесетти парламентарни избори, се кандидирале 1002 мажи и 753 жени
-
Утре гласаат 11.123 болни и немоќни лица за претседателските и 11.225 за парламентарните избори
-
Владата утре ќе се задолжи со 39 милиони евра на домашниот пазар
-
Агенцијата на ОН за помош на Палестинците УНРВА одби да се евакуира од Рафа