Скопје моментално е најзагаден град во светот

Градот Скопје од утрово е на неславното прво место, како најзагаден град во светот, покажуваат најновите податоци на светскиот сервис IQAir, кој го следи аерозагадувањето.

Индексот на ПМ 10 штетните честички во воздухот во Скопје изнесуваат 194. После Скопје на листата следуваат градовите претежно од азискиот континент, како Дака, Делхи, Калкута, Лахоре.

Индексот AQI ги зема предвид концентрациите на ПМ2,5 и ПМ10 честички, како и насоката и јачината на ветерот.

Максимално дозволена концентрација на ПМ 10 во воздухот е 50 микрограми на метар кубен.

Град Скопје воведе низа мерки за справување со загадувањето, кои за жал не вродија со плод. Мерката за бесплатен јавен превоз во главниот град беше активирана на 27 декември откако два дена по ред беше надминат прагот на алармирање за ПМ10 честички во воздухот.

Сепак само два дена подоцна беше укината, поради поради подобрување на состојбата со загаденоста на воздухот и по добиено известување од Министерството за животна средина и просторно планирање, а врз основа на податоци од Државниот автоматски мониторинг систем за квалитет на воздух.