Скопје денеска меѓу десетте најзагадени градови во светот

Скопје денеска се најде на неславната листа на најзагадени градови во светот, која ја објавува порталот Iqair.com.

Денеска Скопје е рангиран на 9-тото место најзагаден град во светот. Во топ десетте најзагадени градови во светот во моментов се и Делхи, Дака, Лахор, Колката, Ханој, Вухан, Карачи, Сараево, Скопје и Шангај.

Во објавата на порталот се предупредува дека воздухот во Скопје е нездрав и се препорачува да се затворат прозорците, да не се спрортува на отворено, да се носат заштитни маски и во домовите да се користат прочистувачи на воздухот.

Моментално, концентрација на на ПМ2,5 честички во воздухот е 72.6 µg/m³ којашто, како што се наведува на порталот, е за 15 пати поголема од годишната вредност во Упатството за квалитетот на воздухот на Светската здравствена организација.