Скопјанец за заканувал пратеници преку „Фејсбук“
Скопјанец, преку споделена објава на Фејсбук, се заканувал на пратеници во македонското Собрание загрозувајќи им ја сигурноста.
Секторот за компјутерски криминал и дигитална форензика при Министерството за внатрешни работи во координација со Основното јавно обвинителство- Скопје презеле мерки и активности поради споделената објава од страна на Б.Б. (49) од Скопје, со која предизвикал загрозување на сигурноста на пратеници во Собранието на Република Македонија и поради ширење расистички и ксенофобичен материјал по пат на компјутерски систем односно поради основано сомнение за сторено кривично дело по чл.144 „Загрозување на сигурност“ и по чл.394-г „Ширење на расистички и ксенофобичен материјал по пат на компјутерски систем“ од Кривичниот законик на РМ.
По наредба на Основното јавно обвинителство- Скопје Б.Б. вчера е повикан на службен разговор во полициска станица, а одземени се и предмети за цел прибирање докази. По документирање на случајот, против Б.Б. ќе биде поднесена кривична пријава.
МВР истакнува дека Секторот за компјутерски криминал и дигитална форензика ќе продолжи со активностите со цел санкционирање на вакви случаи. Ги повикува сите граѓани кои се изложени на такви закани или сведочат на такво нешто, да ги пријават во најблиската полициска станица или на адресата cybercrime@moi.gov.mk., се вели во соопштението од Министерството за внатрешни работи.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка