Скопјанец со пиштол го усмртил кучето на соседот

Во саботата, 44-годишен скопјанец со пиштол усмртил куче, кое според неговите кажувања, претходно го нападнало.

„Во СВР Скопје во саботата во 18:25 часот било пријавено дека на улицата „1439“, во дворот од куќата Д.Б.(44) со пиштол усмртил куче „Ротвајлер“, сопственост на неговиот сосед Ѓ.Н. (55), кое, според пријавеното, претходно, го нападнало. Се преземаат мерки за расчистување на случајот“, велат од МВР.