СК: Победи на Гут и Фојц

Швајцарката Лара Гут Бехрами вторпат по ред победи  во Супер Џи во СК и со тоа ја освои 28-та титула во кариерата. 

Пред својата публика во Кран Монтана  Лара Гут имаше за речиси една секунда подобро време од Тамара Типлер додека третото место го освои Федерика Брињоне.  Со овој триумф Гут изби на чело во генералниот пласман во Супер Џи пред својата сонародничка  Корин Зутер која денеска дојде само до 9. Место. 

Мажите возеа спуст во Кицбил и за само два дена две победи на Беат Фојц кој денеска беше подобар до Жоан Клареј и Матијас Маер. 

Ова е 12-та победа на швајцарскиот скијач во спуст во СК.