Сите починати донори оваа година се жени – Утрово зачука ново срце a двајца пациенти се спасија од дијализа

Рано утрово во градите на пациент кој долги години имал сериозна кардиоваскуларна болест зачука ново срце. Доби орган од 44 годишна жена кај која била дијагностицирана мозочна смрт на КАРИЛ и семејството и покрај загубата одлучиле да спасат човечки животи.

Бубрезите од починатиот донор завршија кај 23 и 30 годишни пациенти кои долги години оделе на дијализа. Во тек се и двете трансплантации на Урологија.

Од овој донор освен срцето и бубрезите, тимот од ортопедија извади коскени ткива кои во наредните недели ќе бидат трансплантирани кај пациенти кои имаат ортопедски болести и кај кои не може да биде вградена протеза.

Во период од една година или од 23 мај 2020 досега имало 5 пациенти со мозочна смрт – сите жени од кои се трансплантирани 4 срца, 10 бубрези и за прв пат е направена експлантација и трансплантација на коскени ткива.

Сите овие интервенции се направени во периодот на пандемија со Ковид 19 кога најголем број од капацитетите во здравствените установи беа пренаменети за справување со последиците од вирусот.

Сања Димитровска