Сириза ја обвини Нова демократија дека ја сменила политиката во однос на Преспанскиот договор
Не поминаа ни десет дена , а Владата на Мицотакис јавно призна дека Ципрас бил во право за Преспанскиот договор, вели грчката опозиција. Потврда за тоа е и вчерашната панел дискусија во АТина на која учествуваше и македонскиот шеф на дипломатијата, укажува Сириза.Од партијата коментираат дека министрите на Нова демократија седнати до Димитров јавно се заложија за подобра иднина и соработка мегу двете земји
Нова демократија и Мицотакис седум месеци туркаа политика на квази-патриотизам. Поттикнуваа национализам и радикално десничарски теории на заговор за да уловат гласови од радикалната десница. Отидоа толку далеку што говореа и дека сме го потпишале Договорот од Преспа во замена за пензиите . Само десет дена по изборите, политиката на владата на СИРИЗА во врска со Договорот од Преспа сега им е сосема оправдана.
Извинување од новата Влада побара и поранешниот шеф на дипломатијата Коѕиас .
Мило ми е што сега им се допага договорт. Ми се закануваа со смрт и ме нарекува предавник, зарем не заслужувам сега да ми се извинуват. Порача преку твитер потписникот на спогодбата од Преспа, Козиас.
И американскиот аналитичар Џек Далгариан во колумна за Неокосмос коментира дека Мицотакис, сега откако е на власт, ке мора да ја смени својата политика на закани кон својот сосед.
-Мицотакис најави дека ќе го почитува Преспанскиот договор, но и дека ќе врши притисок врз Скопје околу употребата на терминот „македонски“ во културата, јазикот и производите. Колку притисок ќе може да употреби, ке зависи од НАТО и ЕУ, кои сакаат брзо и непречено да ја вклучат Северна Македонија во двата сојузи, наведува Далгариан.
-
Сања Сеизова Мрмова
Сите содржини од овој новинар