Сингапурската владејачка Партија за народна акција победи со апсолутно мнозинство на парламентарните избори
Владејачката Партија за народна акција, ПАП; на вчерашните парламентарни избори во Сингапур освои 83 од 89-те места во Парламентот. Од запишаните 2 милиони и 460 илјади гласачи, владејачката партија ја поддржаа околу 70 отсто од Сингапурците за кои е задолжително изјаснувањето на изборите.
Изборите во Сингапур се одржаа шест месеци по смртта на оснивачот на ПАП и премиер од стекнувањето на независноста Ли Кван Ју. Според аналитичарите, смртта на првиот премиер, татко на сегашниот прв човек Ли Хсиен Лунг, максимално го подигнала патриотското чувство на најголемиот број на жителите на Сингапур, а тоа била и причина во однос на изборите од пред пет години ПАП да освои три псрлсментарни места повеќе.
Опозицијата во кампањата ги користеше економската криза во регионот, политиката на имиграција, високите животни трошоци и драконското однесување кон политичките диседенти како адути со кои ќе побара поголема доверба на гласачите.
Еден од куриозитетите на годинашните парламентарни избори во Сингапур е податокот дека вчера до 10 часот, три часа по отворањето на гласачките места, излезноста на избирачите била над 60 отсто.
Ново на Сител
-
Уште еден посилен земјотрес регистриран вечерва кај Врање
-
Македонската репрезентација ја совлада Ерменија и обезбеди пласман во Б дивизијата во Лигата на нации
-
Мајката на едно од убиените деца во „Рибникар“: Момчето-убиец имаше безизразно лице, како возрасните не го забележаа тоа?
-
Малолетник нападнат на автобуска постојка на Бит Пазар
-
Кривична пријава против едно лице за предизвикување опасност за животот и здравјето на луѓето
-
Продолжуваат градежните работи на новиот парк во Карпош
-
Кремљ: Путин е отворен за дијалог со Шолц
-
Арсовска од Брисел: Локалната власт се соочува со политичко мешање