Синдикатот на УКИМ бара итна средба со Владата
Синдикатот на УКИМ бара од Владата во најкус можен рок да одржат средба, на која ќе се разговара за зголемување на платите на вработените и потпишување на Колективен договор.
– Се надеваме дека, како и за другите професии и дејности во државата на кои што значително и неколкукратно им беа покачени платите, Владата ќе покаже разбирање и подготвеност за потпишување на нашиот колективен договор со што ќе се обезбеди достоинствена плата за вработените на УКИМ. Во спротивно, ќе бидеме принудени да организираме протести пред Владата за заштитата на правата и стандардот на вработените на УКИМ, вели претседателот на Синдикатот на УКИМ, проф. д-р Ангел Ристов.
За состојбата на УКИМ, Синдикатот ќе ги извести и Постојаната мисија на ЕУ, Меѓународната организација на труд, Меѓународните синдикати од областа на образованието, Амбасадата на САД и земјите членки на ЕУ.
Сојузот на синдикати на Универзитетот „Св. Кирил и Методиј“ на 2 јуни одржа мирен протест пред Ректоратот на УКИМ, изразувајќи незадоволството од влошената материјална положба на вработените.
Министерот за образование и наука Јетон Шаќири на 2 јуни повика протестот да биде предупредување, а не закана за јунската испитна сесија и да не им се наштети на студентите. Зголемување на платите во високото образование, најави тој, ќе има од септември и тоа е предвидено со ребаланс на Буџетот.
Ново на Сител
-
Се работи првите 40 километри од автопатот Кичево-Охрид да бидат пуштени до 10 јули, вели Мицкоски
-
Мицкоски: Тоа што го зборува Софија има можност да го докаже со повлекување на амандманите во ЕП и да прифати средба на самиотот на НАТО во Хаг
-
Мицкоски очекува годинава да почне изградбата на брзата пруга која е дел од Коридорот 10
-
Мицкоски најавува многу скоро решение за ублажување на растот на цените на прехранбените производи
-
Средба Славески – Паолучи: Народната банка е важен фактор за стабилноста
-
Населба Влае без вода за пиење
-
Кривична за директор и четворица вработени во јавно претпријатие во Кичево за загрозување на животната средина
-
Анушиќ: Хрватска сака да стане европски лидер во производство на мали дронови