Синдикат на УПОЗ: Претставувањето на Миќев како член на Синдикатот е кривично дело

Синдикатот на работниците од управата, правосудните органи и здруженијата на граѓани УПОЗ денеска соопшти дека Игор Миќев е поранешен член на овој Синдикат и оти секое негово претставување како дел од УПОЗ претставува кривично дело.

- Миќев поради повреди на Статутот на Синдикатот е исклучен од членство со одлука која е потврдена од страна на органите и телата на Синдикатот. Секое негово јавно појавување и претставување како член на Синдикатот или претседател на синдикална организација претставува кривично дело и затоа против него ќе бидат поведени соодветни постапки, се вели во соопштението од УПОЗ.