Симпозиум за бугарската драма и театар во Македонија
Во манастирскиот комплекс „Св. Јоаким Осоговски“ во Крива Паланка утре и задутре ќе се одржи прв научен симпозиум за бугарската драма и театар во Македонија. Ќе има 30-тина учесници од Бугарија и Македонија, кои ќе ја расветлат хронологијата на духовните поврзувања во театарската традиција.
Симпозиумот е во рамки на научноистражувачкиот проект „Европскиот театар и драматургија во Република Македонија од осободувањето до денес“ на Универзитетот за аудиовизуелни уметности, Европска филмска, театарска и танцова академија – Скопје. Научно ќе бидат презентирани 30-тина национални драматургии, во театарската и издавачката дејност, кои оставиле длабока трага во нашата европска културна меморија. Секоја учебна година ќе бидат презентирани по две драматургии. Годинава тоа ќе бидат бугарската и германската.
Најавени се обраќања на двајцата министри за култура и присуство на амбасадорот на Бугарија во Македонија Иван Петков и на амбасадорот на Македонија во Бугарија Марјан Ѓорчев.
Институтот за сценски уметности при УАУ ЕФТА ќе објави обемна антологија на бугарската драма на македонски јазик. Овој научноистражувачки проект е предвиден со реципроцитет, и за возврат Факултетот за театар при Новобугарскиот универзитет кон крајот на следната година ќе организира симпозиум „Македонскиот театар и драматургија во Бугарија“.
Ново на Сител
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро