Симовски: Во сите пописи досега од ’48 наваму имало код за бугарска етничка припадност
Во сите пописи од ’48 наваму имало код за бугарска етничка припадност. Имаме податоци во однос на таа етничка припадност и ќе има и понатаму. Кој како ќе се произнесе е исклучиво негово право и ние не смееме да влијаеме, изјави директорот на Државниот завод за статистика, Апостол Симовски.
Симовски нагласи дека досега Државниот завод за статистика немал комуникација со граѓански асоцијации во однос на правата на самоопределување на Бугари, откако денеска шефот на дипломатијата Бујар Османи напиша на Фејсбук дека претставниците на овие здруженија треба да ги контактираат пописните органи и да побараат соодветна графа во рамките на пописот, со цел утврдување на квантитативната, демографската и географска дистрибуција на оваа засебна заедница.
Симовски појаснува дека полето во кое се впишува етничката припадност во формуларите за попис е празно. Во електронската апликација откако ќе се впишат првите три букви на припадноста, се појавува поле за избор на етничка припадност од кодната листа на сите етнички припадности кои досега се регистрирани на сите пописи кај нас.
Тој нагласи дека во пописот, кој официјално ќе почне на 1 април, а ќе трае до 21 април, секој слободно може да се изјасни за својата етничка припадност.
-Полето, каде што треба да се впише етничката припадност е празно за да не му се сугерира на лицето, во однос на неговото изјасување. Во електронската апликација се откуцуваат првите три букви на таа припадност, се појавува поле за избор на етничка припадност заради кодот, а во таа кодна листа се ставени сите етнички припадности, што сме ги имале досега, а во случај да се пријави етничка припадност што досега не сме ја регистрирале, и таа ќе стане дел од кодната листа, вели Симовски.
Ново на Сител
-
Бугарскиот амбасадор во земјава Ангелов се враќа на своите дипломатски должности во Скопје
-
Николоски: ВМРО-ДПМНЕ е за достоинствено одбележување на 4 февруари
-
Николоски со предлог до Владата: Поднесете иницијатива до грчката влада во која ќе побарате во родниот Кукуш да се изгради спомен куќа на Делчев
-
Николоски: Таравари за лична корист влегува во владата на СДСМ и ДУИ
-
Кривична пријава против две физички лица и правно лице од Велика Британија за кривично дело „компјутерска измама“
-
Кривична пријава против лице од Тетовско за вршење јавен превоз без лиценца
-
Запалено напуштено возило кај Народна банка
-
Им исплатил над 400.000 евра, Британци измамиле правно лице од Пробиштип