Силен земјотрес во близина на јапонскиот остров Окинава

Земјотрес со интензитет од 6,1 степен според Рихтер го погоди денеска подрачјето северно од јапонскиот остров Окинава, соопшти Геолошкиот институт на САД.

Засега нема информација за евентуални жртви и причинета материјална штета, ниту е издадено предупредување од цунами.

Епицентарот на потресот се наоѓал на длабочина од 257 километри под површина на земјата, на околу 346 километри од Наха, престолнина на префектурата Окинава.