Свет
22. April 2016 - 8:47

Силен земјотрес повторно го погоди Еквадор

Земјотрес со интензитет од шест степени според Рихтерова скала го погоди Еквадор, соопшти американскиот Геофизички институт.

Засега нема информации за евентуални жртви и причинета материјална штета.

Епицентарот на потресот се наоѓал на 100 километри северозападно од Портовехо и на длабочина од 10 километри под површината на земјата.

Минатата сабота катастрофален земјотрес со интензитет од 7,8 степени го погоди Еквадор, при што загинаа 587 луѓе.