Свет
26. January 2016 - 8:36

Силен замјотрес крај бреговите на Папуа - Нова Гвинеја

Земјотрес со интензитет од 6,3 степени според Рихтеровата скала денеска е регистриран крај бреговите на Папуа - Нова Гвинеја.

Како што соопшти Американскиот геофизички институт, земјотресот се случил на 46 километри под морското дно, со епицентар на 170 километри југоисточно од градот Рабаул.

Засега нема информации за евентуални жртви или предизвикани материјални штети, а не е прогласена ниту опасност од можна појава на цунами.