Шведска е против казнување на Велика Британија поради Брегзит
Шведскиот премиер Стефан Лофен изјави дека неговата земја е против тоа Европска унија да ја казнува Велика Британија, поради одлуката да ја напушти Унијата.
Во разговор за Си-Ен-Ен во Давос, каде Лофен присуствува на Светскиот економски форум, тој рече дека говорот на премиерот Тереза Меј, во кој таа првпат соопшти дека Британија ќе се повлече и од заедничкиот европски пазар, бил „сосема коректен“.
Тој верува дека преговорите околу раздружувањето на Велика Британија и на ЕУ може да се завршат во период од две години, објаснувајќи дека Шведска како земја-членка на ЕУ „оптимистички гледа“ дека работите може да се завршат на задоволство и на двете страни.
- Ние во ЕУ и Британците, заеднички, имаме потреба од едно прагматично решение во врска со Брегзит, истакна за Си-Ен-Ен Лофен.
Шведскиот премиер, сепак, се согласува со некои од земјите-членки на Унијата, дека „не може да се има пристап на единствениот пазар на ЕУ (под истите услови) и кога повеќе не сте членка на Унијата“.
Еврокомесарот за економија и финансии Пјер Московиси, на Форумот во Давос , предупреди дека Брегзит нема да донесе ништо позитивно, ниту за Велика Британија ниту за ЕУ.
Тој смета дека економскиот раст кај Британците ќе биде понизок поради излегувањето на земјата од Унијата.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје