Шведска е најиновативната земја во ЕУ, Романија најмалку
Годишната евалуација на Европската комисија за состојбата со иновативноста во земјите членки на ЕУ покажува подобрување на перформансите речиси секаде и покрај истапувањето на Обединетото Кралство од ЕУ, со Шведска како водечка земја.
Европската Унија ги надминува САД втора година по ред, но сѐ уште е далеку од иновативните гиганти како Јужна Кореа и Јапонија, констатира анализата на Европската Комисија.
Евалуацијата се фокусира на инвестициите во истражување и развој што ги прават земјите членки како и степенот на интеграција на иновативноста во јавните политики. За Брисел, овој сектор ќе биде уште повеќе клучен во периодот на економска криза пост-ковид.
Извештајот покажува подобрување на овие политики во сите 27 земји на ЕУ, како и сѐ поголем степен на изедначување помеѓу нив. Шведска останува лидер по иновации во Унијата, следуваат Финска, Данска и Холандија. А годинава за прв пат им се придружуваат Луксембург и Португалија.
Во просек иновативниот перформанс на земјите членки е зголемен за 8,9 отсто, со најголемо подобрување во Литванија, Малта, Португалија и Грција. Најслаби резултати покажуваат Романија, Бугарија и Хрватска.
Гледано по сектор, Шведска е најсилна во човечки ресурси, Португалија во мали и средни претпријатија, Данска води за животната средина, а Германија за инвестиции во фирми.
На глобалната сцена ЕУ води пред САД, Кина, Бразил, Русија, Јужна Африка и Индија, но сѐ уште не може да ги стигне Јужна Кореа, Австралија и Јапонија.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување