Швајцарски воен авион се урна во Франција
Швајцарски борбен авион се урна денеска во ненаселено подрачје во источниот француски департман Дуб, без притоа да предзвика жртви, соопштија француските власти.
Како што јави дописникот на МИА од Париз, Федералното министерство за одбрана на Швајцарија ја потврди несреќата, нагласувајќи дека засега не се познати причините за падот на авионот.
Пилотот на авионот успеал навреме да се катапултира од леталото, по што е пренесен во универзитетската болница во Безансон.
Станува збор за авион од типот Ф-18, кој полетал од воената база Пајерн во центарална Швајцарија. Авионот се урнал на француска територија на 20-тина километри источно од Безансон, за време на одржувањето на заедничките авио-вежби на Франција и Швајцарија, ЕУЦ 25.
Се до овој инцидент Швајцарија поседуваше 32 авиони од типот Ф-18 од американско производство.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација