-->
-->
Што значат белите дамки на вашите нокти?
-->
Многу пати сте забележале бели ситни дамки на вашите нокти и постојано се прашувате што ги предизвикува. Иако се зборува дека причините за оваа појава се недостаток на калциум и цинк во нашиот организам, а тоа значи неправилна исхрана и невнесување на важни нутритивни состојки во нашето тело, сепак ќе ви ја откриеме вистинската причина за оваа појава.
Една од најчестите причини за овие мали бели точки на ноктите на нозете и рацете е состојба која звучи преплашувачки, но не е толку страшно! Латинското име е leukonychia. Повеќето луѓе мислат дека е предизвикана од недостаток на цинк или калциум. Најчесто, ова не е причина.
Белите точки (или кратки линии) на ноктите често се јавуваат како резултат на траума на ноктот, обично на местото на коренот на ноктот. Понекогаш може и да не се сетите кога сте се удриле, но тоа е затоа што ноктите раснат бавно, па белите точки можат да се појават и недели по повредата. Уште една можна причина за белите дамки може да биде слаба инфекција или алергија или, пак, реакција на одредени лекови.
Кој и да е изворот на повредата, овие типични бели дамки најчесто не бараат третман и самите ќе исчезнат со израснувањето на ноктот. Нема да се појават повторно сè додека не настане друга повреда. Доколку појавата ги зафати сите нокти, во тој случај тоа може да се должи на посериозна болест, како анемија, срцеви заболувања, цироза, дијабетес или болест на бубрезите.
Во секој случај, добра навика е да се обрнува внимание на промените на ноктите, тие промени често се индикатор на посериозни промени во организмот, кои можат вака навреме да се откријат. А за да ја спречите појавата на многу болести, водете сметка правилно да се храните и трудете се да го избегнувате стресот и стресните ситуации.
-->
-->
-->
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ