Штипскиот регионален училишен центар „Искра“ ќе гради нови училници

Регионалниот училишен центар за специјално средно образование и воспитание „Искра“ од Штип, ќе започне со реконструкција и доградба на првиот кат од училишната зграда. 

Директорот на СОУ „Искра“-Штип, Марјан Арсов вели дека со доградбата ќе се добијат три нови училници и една наставничка просторија, со што ќе се реши проблемот со недостигот на училници и на простор за работилниците, каде што се изведува практичниот дел од наставата. 

-  Истовремено ќе се дислоцира и наставничката канцеларија со што ученичкиот дел и наставничкиот дел ќе бидат одвоени како две просторно функционални целини, вели   Арсов.

Тој истакна дека деновиве по завршување на тендерската постапка ќе следи потпишување на договорот со градежната фирма, по што ќе почнат и градежните работи.. Инвестицијата во ова државно училиште ќе чини 3 милиони денари. Средствата се обезбедени благодарени на штедењето на училиштето, но Арсов се надева дека ресорното Mинистерство ќе одобри и дополнителни средства за овој проект.

- Имаме поднесено барање до Министерството за дополнување на финансиските средства и се надеваме дека и тие ќем помогнат во овој дел, рече Арсов.

Во училиштето учат ученици со лесна и умерена попреченост во психофизичкиот развој поделени во четири струки, а годинава се запишани 20 ученици од источниот и југо-источниот регион.