Штипскиот градоначалник во посета на селата Драгоево и Селце

Градоначалникот на општина Штип, Илчо Захариев почна со обиколка на урбаните заедници и селата со цел детектирање нови проблеми и добивање идеи за проекти, кои ќе се реализираат од буџетот во 2017 година. Захариев денеска беше во посета на селата Селце и Драгоево, каде што заврши асфлатирањето на улиците.

- Во Драгоево направивме улици, мал плоштад, ја обновивме чешмата, се помогна во обнова на џамијата и црквата, функционира водоводот, така што разговаравме за нешто што е нова потреба на жителите, а што би влегло во програмата за идната година. Овде размислуваме да го обновиме Домот на културата, останува да се направат уште две помали улици и да се направи патот до црквата Свети Спас, рече Захариев.

Штипскиот градоначалник на средба со жителите во село Селце истакна дека годинава е завршено со асфалтирањето на улиците, се гради и ново спортско игралиште, а обновени се и чешмите.

- Останува да се поврзат Драгоево и Селце од 4. километар до 11. километар со нов пат, со што ќе излегуваат директно на регионалниот пат и нема да се влегува во селото, рече Захариев.

Претставниците на двете месни заедници се задоволни од реализацијата на проектите и како што истанааа се што е побарано од локалната самоуправа и градоначалникот е реализирано.