Штипскиот градоначалник на конференција во Сардинија

Градоначалникот на Општина Штип, Благој Бочварски заедно со претставници од Општина Штип, присуствуваат на петтата конференција како дел од проектот “Future od Europe reload” во областа Ористано, Сардинија.

Оваа конференција е насловена  “Европа поблиску до нас”, а на неа се дискутира на теми од областа во туризмот.

Во овој проект учествуваат повеќе општини од Португалија, Италија, Романија, Бугарија, Шпанија, Полска, а општина Штип и Македонија се единствени во овој проект кои не се дел од ЕУ.

Од Кабинетот на градоначалникот на Општина Штип информираат дека  Бочварски остварил контакти и со останатите градоначалници од регионот во Сардинија, каде живеат и македонски граѓани кои претежно се Роми и веќе 15 години се дел од локалната заедница.

Претставниците од Општина Штип заедно со градоначалникот Бочварски го посетија и Универзитетот во Ористано и укажаа на можна соработка со штискиот Универзитет.