Штип по 14 години воведува автобуски градски превоз

Штип по 14 години ќе воведе општински автобуски превоз. На денешната седница на Советот на Општинатa која се одржа по електронски пат, градоначалникот на Штип, Благој Бочварски ја образложи pредлог одлуката за општински линиски превоз на патници на територија на Општината.
Бочварски вели дека ова барање постојано го слуша од страна на граѓаните во руралните средини, но и низ населбите во градот. Затоа, како што појасни, по 14 години општинскиот линиски превоз повторно ќе се стави во фунција.
„Паралелно со обезбедувањето на превозот на учениците, чија тендерска постапка е во тек, ние ја започнуваме и според изменетите законски регулативи и ја започнуваме исто така и постаопката за општински линиски превоз. Со што денеска е донесена одлуката на Совет, а во втора фаза веднаш нашиот сектор за сообраќај и инспектори ќе работат на вториот чекор, а тоа е повик кон сите заинтересирани превозници да се вклучат во овој општински линиски превоз“, рече Бочварски.
Тој смета дека граѓаните на Штип со воведувањето на автобускиот превоз ќе имаат уште едно решение за превоз низ нивните населби и централното градско подрачје.
Штипскиот градоначалник додава дека до сега Штип немал градски автобуски превоз, бидејќи фирмите не биле заинтересирани, но и од страна претходните локални власти немало ниту обиди за реализација на овој проект.
„Ова е потреба на граѓаните, Општината ќе направи се за да се реши овој проблем. Во колкав обем, со какви возила ќе бидат апсолутно треба да ги запазуваат сите законски критериуми, но тоа ќе оставиме да ги направат анализите од нашите служби заедно со компаниите, коишто би имале интерес да се јават на овој повик“, рече Бочварски.
Ново на Сител
-

Краделе мебел, бела техника и радијатори кај браната Конско - приведени две лица
-

Зеленски повторно бара членство во НАТО, според него тоа е гаранција за безбедност
-

Уапсен возачот кој возеше во спротивен правец на „Партизанска“ | ВИДЕО
-

Ѓорѓиевски: Уреден просторот кај жичарницата на Водно, обновени клупите и летниковците | ФОТО
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
