Штип наредната година ќе го решава сообраќајниот хаос во центарот
Општина Штип го крои новиот буџет за 2020 година, но и новата развојна Програма, во којашто се нотирани приоритетните проекти. Градоначалникот на Општина Штип, Благој Бочварски истакна дека по завршување на новата обиколница и поставување на мостот на реката Брегалница, за наредната година како приоритетен проект е ставена улицата „Васил Главинов“, односно средување на сообраќајниот хаос низ централното градско подрачје.
-Ние проектот за обиколницата го привршуваме, а ќе биде ставен во приоритетната програма за наредната година, бидејќи првично очекувам во месец јануари да имаме исплати за завршување на мостот, а ќе стигнат и фактурите за обиколницата. Доколку завршивме со овој проект во декември ќе биде тргнат од развојната Програма. На дневен ред се става улицата „Васил Главинов“, којашто е пред општината и предвидува изработка и поставување на конозли на реката Отиња и со тоа ќе дадеме побрз проток на возилата, со две проточни ленти, вели Бочварски.
Тој истакна дека како општина ќе почнат со реализација на првата фаза, а за дополнителни средства аплицирале и до Министерството за транспорт и врски преку Светска банка. Наредната година ќе се работи и на улицата „Панче Караѓозов“, која ги поврзува населбите Автокоманда и Сењак. Очекува од страна на советниците на седницата на Советот на Општина Штип да дадат и тие свои предлози за проекти, кои ќе влезат во оваа програма на приритетни проекти за Општина Штип.
Инаку, според проектната документација за улицата „Васил Главинов“ решавањето на сообраќајниот хаос во центарот ќе чини од 700.000 до 800.000 евра.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп