Штип до крајот на годината ќе го добие новиот проект за брана на Отиња
Општина Штип и Градежниот факултет во Скопје и Градежниот институт „Македонија“ ќе потпишат нов анкес договор за ревидирање за проектот за изградба на брана на река Отиња. Штипскиот градоначалник, Благој Бочварски појаснува дека пред 15 години е потпишан договорот, кој чинел 41.000 евра, а новиот анекс договор чини околу 12.000 евра, средства обезбедени од Министерството за земјоделство, шумарство и водостопанство.
- Целата проектна документација треба да се преработи, иновира, да се препечати и да се доведе во состојба за градежно одобрение денеска во 2018 година, вели Бочварски.
Ревидирањето на проектот со сите потребни елементи кои ги бара Министерството за транспорт и врски и сите останати документи ќе бидат готови до крајот на годината, со што веднаш ќе се побара и градежната дозвола за изградба на оваа акумулација, која за штипјани ќе претставува место за рекреација, но и континуирано да се има вода во коритото на реката Отиња што минува низ централното градско подрачје.
Средства за изградба ќе се бараат преку грантови, заеми и од централната власт. Според стариот проект, изградбата на мини акумулацијата чини околу 2,5 милиони евра, но новиот проект треба да ја даде точната вредноста на овој капитален објект.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто