Штајнмајер пристигна во Скопје, го пречека Маричиќ

Вицепремиерот за европски прашања Бојан Маричиќ, го пречека претседателот на Сојузна Република Германија, Франк-Валтер Штајнмајер, кој штотуку пристигна на Меѓународниот аеродром Скопје.

-Моја е честа да му посакам срдечно добредојде на претседателот на Сојузна Република Германија, Франк-Валтер Штајнмајер! Првата официјална посета на претседателот Штајнмајер, после само четири месеци од почетокот на пристапните преговори е јасен сигнал за позициите на Германија за интеграцијата на регионот во ЕУ и за континуираната поддршка која Северна Македонија ја има за пристапување во Унијата. објави Маричиќ на својата официјална страница на Фејсбук.

Маричиќ додава дека тема на разговорите на Штајнмаер со македонскиот државен врв ќе биде регионот, унапредување на меѓусебната соработка и за предизвиците со кои се соочува цела Европа.

Ова е прва официјална посета на Штајнмајер на Република Северна Македонија, во чии рамки ќе оствари средби со претседателот Стево Пендаровски и премиерот Димитар Ковачевски, а ќе има и свое обраќање и во Парламентот.

Штајнмаер по дводневна официјална посета на Северна Македонија продолжува во посета на соседна Албанија.