Штајнмаер со критика за затворањето на бегалската „балканска маршрута“
Затворањето на таканаречената балканска маршрута, по која во Германија пристигаа бегалците, лошо се одрази врз Грција. Европа не треба своите проблеми да ги решава на ваков начин, изјави германскиот шеф на дипломатијата Франк-Валтер Штајнмаер во денеска објавеното интервју за изданијата на медиумската група „Функе“, информира ТАСС.
- Во Централна Европа пристигнуваат помалку бегалци затоа што се заседнати во Грција. Таму се создадени лоши хуманитарни услови, рече Штајнмаер.
„Да ги решаваме проблемите со тоа што нашите партнери ќе ги доведуваме во лоша ситуација, тоа не е нашиот пат. Европа не може да дејствува на таков начин“, посочи германскиот министер.
Поради затворањето на балканската маршрута приближно 11.500 лица останаа блокирани во бегалски камп крај грчкото село Идомени. Во цела Грција има вкупно околу 50.000 мигранти, кои не можат да го продолжат патот кон Централна и Северна Европа, забележува ТАСС.
Во овој контекст Штајнмаер потсети на договорот со Турција, која се обврза на своја територија да ги прибере бегалците, кои се заглавени во Грција. Според него, решавањето на мигрантската криза претпоставува заштита на надворешните граници на ЕУ, исполнување на договореното со Анкара и поддршка за Грција.
Ново на Сител
-
Во Русија лани биле протерани двојно повеќе мигранти
-
Спречен шверц на пиротехнички материјали, лекови, парфеми и облека
-
Кривична за екс-началникот на Одделот за воздухопловство
-
Димитриевски со Валенсија избори осминафинале во Копа дел Реј
-
Артета: Топката во Лига купот е многу различна од топката во Премиер лигата и мора да се навикнеш на неа
-
Пуштање во употреба реконструирано фудбалско игралиште во Неготино
-
Украина ја нападна нафтената база во рускиот град Енгелс, која служи за стратегиски бомбардери
-
Намалени и извозот и увозот, трговскиот дефицит до ноември лани 2,9 милијарди евра