-->
-->
Шпанија, Португалија и Србија противници на младите македонски фудбалери на Еуро 2017
-->
Младата фудбалска репрезентација на Македонија ги доби противниците за Европскиот шампионат за играчи до 21 година што следната година ќе се одржи во Полска.
Репрезентациите на Шпанија, Португалија и Србија ќе бидат противниците на нашата млада фудбалска селекција на нејзиното деби на завршницата на Европското првенство во Полска.
Ова е исходот од денешната ждрепка по која Македонија се најде во групата Б заедно со Португалија како носител, силната Шпанија и нашиот северен сосед Србија која преку баражот се избори за место на ЕП.
Според извлечените броеви, избраниците на селекторот Милевски дебито ќе го имаат на 17 јули против Шпанија. Три дена подоцна (20 јули), Македонија ќе игра против селекцијата на Србија, додека групната фаза црвено-жолтите ќе ја заокружат со дуелот против Португалија на 23 јули.
Натпреварите од оваа група ќе се играат во Гдиња и Бидгош
Средбите од другите две групи ќе се играат во Киелце, Лубин, Тихи каде ќе се игра и еден полуфинален меч, како и Краков кој покрај дуелите од групната фаза и полуфиналето ќе биде домаќин и на финалниот натпревар.
Во другите две групи ќе играат:
А група: Полска, Словачка, Шведска и Англија.
Ц група: Германија, Чешка, Италија и Данска.
Европското првенство за фудбалери до 21 година ќе се игра од 16 до 30 јуни следната 2017 година.

-->
-->
-->
Ново на Сител
-
Извозот од земјава во јануари-февруари изнесува 75 650 милиони денари, што е пораст од 1.6 проценти во однос на истиот период лани
-
Зголемени цените на угостителските услуги
-
САД го прекинаа емитувањето на „Радио Слободна Европа“ во Русија, Украина, централна Азија и Источна Европа
-
Димитриевски: Дијалогот во политиката е добредојден, но креатарот на проблемите не треба да биде и креатор на решенијата
-
Шевченко ја обвини УЕФА дека не сака да има Украинец во раководството на организацијата
-
Трамп разговараше со Нетанјаху за царините
-
Андон Чибишев: Минути биле пресудни за спас од отровните гасови во „Пулс“
-
Рубио: Наскоро ќе знаеме дали Русија сака мир