Шпанија истражува кој стои зад кампањата на дезинформации
Шпанската министерка за одбрана Марија Долорес де Коспедал денеска соопшти дека Владата на Шпанија истражува кој стои зад ширењето на лажни инфорации во врска на шпанскиот регион Каталонија.
- Многу такви акции доаѓаат од руската територија, но се уште не е возможно точно да се утврди нивниот извор, посочи Коспедал.
Таа истакна дека, некои од тие акции „се повторуваат и од венецуелска територија“.
Коспедал одби да наведе какво влијание би можело да има дезинформирањето врз регионалните избори, што ќе бидат одржани на 21 декември во Каталонија, ниту пак кои се размерите на кампањата за ширење на лажни инфорамции.
- Бројот на лажни вести за Каталонија од ден на ден се менува и поради тоа нивниот точен број не може да се прецизира, нагласи шпанската министерка за одбрана.
Истовремено, шпанскиот министер за надворешни работи Алфонсо Дастис посочи дека денеска ќе ги информира неговите колеги од Европската унија за наводно кибер мешање од руска територија и од други области со цел ширење на лажни информации за тежнеењето за независност на Каталонија.
- Постојат наводи дека основачот на „Викиликс“ Џулијан Асанж и други лица, се обидуваат да се вмешаат и да манипулираат со каталонската криза, изјави Дастис.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка