Шпанија формира комисија за идните мерки во управувањето со Каталонија
Шпанските политички партии одредија 27 сенатори за членови на комисија која ќе донесе одлука како Владата во Мадрид може да интервенира во управувањето со Каталонија и да ја спречи да прогласи независност.
Комисијата се состои од 15 членови на владејачката Народна партија на шпанскиот премиер Маријано Рахој, шест членови на водечката опозициска Социјалистичка партија, а остатокот го сочинуваат членови на помали шпански партии.
Тие ќе ги разгледаат мерките што им се на располагање врз основа на членот 155 од шпанскиот Устав и како да ја распуштат каталонската Влада и каталонскиот регионален претседател Карлес Пуџдемон и неговите министри.
Се очекува Комисијата да го информира Пуџдемон за своите планови и да го повика да го одбрани својот случај најверојатно в четврток, еден ден пред Сенатот да гласа за одлуката на Владата да го активира членот 155.
Имајќи предвид дека партијата на Рахој има мнозинство во Сенатот, извесно е дека одлуката за активација на членот 155 ќе биде изгласана.
Ново на Сител
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари
-
Сообраќајот на државните патишта се одвива непречено
-
Сончево и топло, попладне локално дожд и грмежи