Шојбле: ЕУ треба да се промени независно од гласањето на Велика Британија

Европската унија треба да се промени, без разлика дали Британците ќе гласаат за останување или за напуштање на Унијата на референдумот кој ќе се одржи в четврток, на 23 јуни, изјави денеска германскиот министер за финансии Волфганг Шојбле.

Тој истакна дека „Европа не е во добра форма“ и изрази надеж дека Велика Британија ќе избере да остане во ЕУ, но без разлика на резултатот од референдумот „нема да може да се продолжи како досега“.

- Британија е важен пазар за германската економија и нејзиниот излез од Унијата може да нанесе значителна штета, нагласи Шојбле за време на економска конференција во Берлин.