ШК Алкалоид убедливо го совлада српскиот шампион Итака

Македонскиот шаховски првак Алкалоид се врати на победите на Европското клупско првенство што се игра во Улцињ, Црна Гора.

Фармацевтите во рамките на 4. коло убедливо со 5-1 го совладаа српскиот шампион Итака.

Андрејкин и Инаркиев ремизираа на 2. и 4. табла со Ивиќ и Дамјановиќ додека цели поени освоија Мамедјаров, Ковалев, Шанкланд и Криворучко во дуелите со Инѓиќ, Стојановиќ, Вучиниќ и Кисиќ.

Во овие моменти во рамките на 5. коло Алкалоид игра против екипата на Цирих Гезелшах, првак на Швајцарија.