Шин Феин и ДУП не постигнаа договор околу формирањето влада на Северна Ирска
Разговорите околу формирањето влада на Северна Ирска дојдоа до својот крај, соопшти ирската националистичка партија Шин Феин, додека од Лондон порачаа дека се надеваат дека владата сепак би можела да биде формирана пред истекот на рокот, денеска попладне.
Националистите и унионистите во Северна Ирска имаат рок до денеска да постигнат договор за формирање влада или ќе биде донесена одлука за одржување нови избори или управувањето повторно ќе биде пренесено на Лондон.
Лидерите на Шин Феин, Мишел Онил и Демократската унионистичка партија (ДУП) Арлен Фостер меѓусебно се обвинуваат за непостигнувањето договор околу клучните прашања.
Фостер исто така во соопштение наведе дека реалноста е таква и оти не дошло до напредок во преговорите.
Британскиот министер за Северна Ирска, Џејмс Брокеншајар побара од двете партии да се обидат дури и во оваа фаза да формираат влада.
Доколку договорот не биде постигнат до денеска попладне Брокеншајар ќе одлучи дали да распише нови избори, трети за помалку од една година или да го врати директното управување на Велика Британија врз Северна Ирска, против што се изјасни во повеќе прилики.
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат