Шимон Перес во стабилна, но тешка состојба
Поранешниот израелски претседател и добитник на Нобеловата награда за мир Шимон Перес е во стабилна, но тешка состојба, изјави изутринава Јицак Крејс, директор на болницата покрај Тел Авив, во која тој вчера беше сместен по претрпениот мозочен удар.
- Перес ја мина ноќта без компликации, додаде Крејс.
Портпаролот на поранешниот претседател изјави дека 93-годишниот Перес се уште е ставен на апарати за дишење на одделението за интензивна нега.
Перес во јануари претрпе лесен инфаркт и пред една недела му беше вграден пејсмејкер.
Шимон Перес кусо време беше премиер меѓу 1984 и 1986 година и за период од осум месеци по убиството на премиерот Јицак Рабин во 1995 година. Подоцна тој беше избран за претседател и ја заземаше позицијата во периодот 2007-2014 година. На меѓународната сцена имаше репутација на борец за мир и во 1994 година заедно со палестинскиот лидер Јасер Арафат беше удостоен со Нобеловата награда за мир за потпишување на мировните согодби во Осло.
Ново на Сител
-
Литванија: НАТО треба да ги соборува руските дронови над Балтикот
-
Сончево со умерен ветер
-
Поранешниот потпретседател на Европскиот парламент е уапсен во трговската афера со дипломи во Полска
-
Собранието не го прифати Предлог законот за изменување и дополнување на Законот за игри на среќа и забавни игри, во прво читање
-
Пробиштип: Со возилото намерно удрила сограѓанин - Кривична за 41 годишна жена
-
Спречени три терористички напади за време на ОИ и ПОИ во Париз
-
Другар му го погодил со воздушен пиштол - Дете заврши на скопските клиники
-
Тетовчанец се заканувал на новинарка - Полицијата го приведе