Шестата собраниска седница презакажана за понеделник
Собранието на Република Македонија денеска нема да ја продолжи шестата седница на чиј дневен ред се Предлог одлуката за давање согласност на општите акти на Народниот правобранител, како и разрешувањето на државниот јавен обвинител Марко Зврлевски. Седницата, како што информираат за МИА од собраниската прес-служба е презакажана во понеделник во 11:00 часот.
Претседателиот на Собранието вчера ја прекина седницата по серијата паузи што ја побараа пратениците од ВМРО-ДПМНЕ кои за да се разгледаат стенограмите од обраќањето на омбутсманот Иџет Мемети. Претходно, од ВМРО-ДПМНЕ објавија дека формирале 10 пратенички групи. Координатори на пратеничките групи се Илија Димовски, Антонио Милошевски, Зоран Илиовски, Владанка Авировиќ, Даниела Рангелова, Панчо Минов, Димитар Стевананџија, Драган Данев, Благица Ласовска и Драган Цуклев.
Според собранискиот Деловник, координаторите на пратеничките групи имаат право на дискусија од 15 минути и да побараат процедурална забелешка уште 3 минути.
На дневен ред на шестата седница се и предлог-измените на Законот за работните односи поднесен од Нола Исмајлоска, Магдалена Манаскова и Весна Пемова и годишните извештаи за работата на повеќе институции. Пратениците треба да расправаат и за состојбата со дивата депонија во Струга, предлог поднесен од група пратеници од ВМРО-ДПМНЕ.
Ново на Сител
-
Одобрено е обвинението за случајот „Онкологија“, судењето дополнително ќе биде закажано
-
Од 200 повредени во пожарот во Кочани 12 се уште се на болничко лекување, 1 и понатаму е во тешка состојба
-
Салиу: Не сум виновен за трагедијата
-
ВМРО-ДПМНЕ бара истрага за Филипче
-
Георгиев: Нема и не може да има дополнителни услови и барања за пристапувањето на Македонија
-
Муцунски со Баро - Повеќе соработка
-
Гаши: Пратениците имаат право на интерпелација против секој носител на јавна функција
-
Вреди ќе има унифициран став за една изборна единица