Шест лица потешко повредени во шест сообраќајки викендов во Скопје
Шест лица се здобиле со тешки телесни повреди во шест од вкупно 35 сообраќајки случени во текот на викендот на подрачјето на СВР Скопје. Во 12 полесно биле повредени 12 лица, а во 17 била причинета материјална штета.
Од МВР информираат дека викендов сообраќајната полиција открила и санкционирала поголем број прекршоци. Сто осумдесет возачи се движеле со брзина поголема од дозволената, 16 возачи поминале на крстосница на црвено светло, шест возачи не дале првенство на минување на пешаците на обележан пешачки премин, осум возачи за неправилно престројување, еден возач за неправилно престигнување, тројца возачи не дале првенство на минување на возило во зона на крстосница и 20 возачи за не користење на заштитен шлем. Санкционирани биле и четворица пешаци кои поминале коловоз на црвено светло. Затекнати биле 180 непрописно паркирани возила.
Од сообраќај биле исклучени 73 возачи кои го управувале возилото под дејство на алкохол, 46 возачи пред да се стекнат со право на управување на моторно возило, 15 возачи почетници, како и шест технички неисправни возила, 42 нерегистрирани возила и едно возило за претовар.
Со помош на специјалното возило пајак, отстранети биле 123 возила.
Денеска Одделението за превенција при СВР Скопје во рамките на сообраќајно воспитниот проект „Сообраќајна култура на децата во предучилишните установи“ ќе реализира едукативна работилница со децата од голема група во детската градинка „25 Мај“’, објект „Морковче“, која се наоѓа на подрачјето на општина Гази Баба.
Ново на Сител
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа