Шекеринска: Не држи аргументот на ВМРО-ДПМНЕ за името на Армијата за Законот за одбрана
За жал, ВМРО-ДПМНЕ се уште не го има променето ставот во поглед на Законот за одбрана и тоа не можам да го разберам. Законот за одбрана влезе во процедура во август и се дебатираше јавно и два пати во Собранието, а ВМРО-ДПМНЕ не даде ниту еден амандман на законот, за сега да информираат оти немаат намера да го поддржат, иако тој бара двотретинско мнозинство, изјави министерката за одбрана Радмила Шекеринска, која денеска присуствуваше на брифингот на началникот на Генералштабот на Армијата, генерал потполковник Васко Ѓурчиновски со претседателот и врховен командант, Стево Пендаровски, за состојбата со борбената готовност на Армијата во изминатата година.
Таа потсети дека е постигната согласнот во Собранието за деблокирање на голем дел од законите кои, како што рече, беа заглавени во собраниски процедури, а главно се закони кои нудат шанси за повиски пензии, плати и за права кои граѓаните можат да ги користат ако Собранието даде зелено светло. Очекувам, потенцира Шекеринска, и се надевам дека зборот кој беше даден ќе се почитува.
– Аргументот со уставното име не држи, заради тоа што до денес пратеничката група на ВМРО-ДПМНЕ веќе има поддржано закони во кои стои нашето уставно име, а пред два дена изгласа Декларација и ја потпиша на кое стоеше нашето уставно име Република Северна Македонија. Ако тие ова го користат како алиби за негласање на Законот за одбрана, единствена порака што ќе ја испратат и дома кон граѓаните, но и кон светот, дека имаат дилеми во поглед на нашето членство во НАТО, изјави Шекеринска и додаде дека затоа бил апелот по прашањето на Алијансата дека е не простиво Собранието сега да не го усвои законот поради една политичка партија.
Според неа, ВМРО-ДПМНЕ ќе сфати дека и нивниот партиски интерес подразбира поддршка на ваков закон и со тоа ќе го дочекаме членството со наша исполнета обврска.
– На Законот за одбрана граѓаните можеби најдобро можат да видат кој е за НАТО, а кој не, рече меѓу другото министерката за одбрана Шекеринска.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка