Шекеринска и Димковски во работна посета на Битолско

Вицепремиерката и министерка за одбрана Радмила Шекеринска и министерот за земјоделство, шумарство и водостопанство Трајан Димковски денеска ќе престојуваат во битолскиот регион.

За време на посетата ќе го посетат рударско-енергетскиот комбинат (РЕК) Битола каде ќе имаат средба со директорот на РЕК Битола Васко Ковачевски.

Во рамки на посетата на Битолско, Шекеринска и  Димковски ќе имаат средби во село Грешница, а ќе се сретнат и со земјоделец корисник на ИПАРД програмата

Средби со граѓани ќе одржат и во центарот на Битола.