Шеесет години од раѓањето на претседателот Трајковски

Денеска се навршуваат 60 години од раѓањето на трагично загинатиот претседател на Република Македонија, Борис Трајковски.

По тој повод  на гробот на претседателот во Алејата на великаните на градските гробишта Бутел ќе биде положено цвеќе.

Градоначалникот Петре Латиновски ќе ја предводи делегацијата од општина Бутел, а цвеќе ќе положат претставници од сите основни училишта од општината, повеќе невладини организации и здруженија на граѓани, како и членови од семејството Трајковски.

Во чест на претседателот Трајковски ќе бидат прочитани песни од стихозбирката „Спомени за Борис Трајковски“ во која се застапени авторски песни на ученици од основните училишта во општина Бутел.

Од Алејата на великаните ќе полетаат шеесет гулаби, кои над македонското небо ќе ја понеса пораката за мир, за кој секогаш се залагаше претседателот Борис Трајковски.