Шампионот замина за Кипар

Вардарци тргнаа кон Никозија, градот на Кипар каде што во вторник со почеток во 19 часот ќе го игра првиот квалификациски натпревар од второто коло во Лигата на шампионите против АПОЕЛ. 

 

Вардаровата експедиција која брои 22 фудбалери, стручниот штаб и дел од раководството на тимот во Никозија ќе пристигнат некаде во попладневните часови. За вечерва е предвидена и првата подготовка на кипарско тло. 

На пат се следните фудбалери:

ГОЛМАНИ: Томе Пачовски, Филип Гачевски. 

ОДБРАНА: Горан Попов, Немања Мијушковиќ, Бобан Грнчаров, Дарко Велковски, Хофханес Хамбарџумјан, Владица Брдаровски. 

СРЕДЕН РЕД: Стефан Спировски, Артак Дашјан, Јасир Асани, Петар Петковски, Никола Глигоров, Бобан Николов, Хуан Фелипе, Влатко Грозданоски, Благоја Љамчевски. 

НАПАД: Дејан Блажевски, Ацо Стојков, Филип Ивановски, Филип Петковски, Артур Миранјан.