Северна Кореја планира да го укине мораториумот за нуклеарни и ракетни проби
Северна Кореја денеска најави дека би можела да ја прекине својата 20-месечна суспензија за нуклеарни и ракетни проби заради американско-јужнокорејските воени вежби, што ги доживува како подготовка за евентуална инвазија.
Претстојните редовни летни воени вежби на САД и Јужна Кореја ќе ја присили Северна Кореја повторно да размисли за тоа дали да се посвети на ветувањата што ги има дадено кон САД, соопштија официјални претставници на оваа земја, пренесени од американските медиуми.
Во соопштението се наведува дека американскиот претседател Доналд Трамп, во текот на првиот и третиот состанок со лидерот Ким Џонг Ун, ветил дека ќе ги прекине воените вежби со Јужна Кореја, но планираните летни воени вежби со Сеул и распоредувањето оружје на југот покажуваат дека Вашингтон не го исполнува својот дел од ветувањето.
Со оглед на фактот дека САД еднострано ги отфрлија своите обврски, постепено го губиме оправдувањето да продолжиме со обврските кои ги презедовме во договорот со него, се наведува во соопштението кое го пренесе официјалната севернокорејска агенција КЦНА.
Во соопштението уште се наведува дека Северна Кореја не е обврзана со никави законски документи да ги прекине своите нуклеарни и ракетни тестирања.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка