Северна Кореја истрела три балистички ракети кон Јапонското Море
Северна Кореја денеска истрела три балистички ракети кон Јапонското Море, соопшти јужнокорејската армија.
Ракетите, кои беа истрелани изутринава во близина на градот Хванџу, прелетале на исток меѓу 500 и 600 километри кон Јапонското Море, соопшти Советот на генералштабовите на јужнокорејските вооружени сили. Во нивниот опсег била целата територија на Јужна Кореја.
Пред повеќе од една недела Пјонгјанг се закани дека ќе преземе „физички активности“ против американскиот противракетен систем, кој е лоцирана во Јужна Кореја.
Вашингтон во меѓувреме соопшти дека САД ќе изразат загриженост во во Обединетите нации поради новите севернокорејски ракетни проби, со кои се нарушуваат резолуциите на Советот за безбедност.
- Ќе изразам загриженост во ОН за да ја зајакнам решителноста на меѓународната заедница да ја принуди Северна Кореја да преземе одговорност за овие провокации, изјави портпаролот на Пентагон, Гери Рос.
Јапонскиот министер за одбрана Ген Натанаки истакна дека, севернокорејските ракетни проби се закана за безбедноста на Јапонија и целиот свет и претставуваат нарушување на резолуциите на ОН.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка