Северна Кореја истрела неидентификувана ракета над Јапонија
Северна Кореја рано изутринава по локално време истрела неидентификувана ракета од квартот Сунан во главниот град Пјонгјанг кон исток, соопшти јужнокорејската армија.
Ракетата поминала над северниот дел на Јапонија и според соопштението на Јапонскиот систем за рано предупредување, паднала во Тихиот Океан на околу 2.000 километри источно од островот Хокаидо.
Проектилот веројатно прелетал 3.700 километри и достигнал височина од 770 километри, јавува агенцијата Јонхап.
Според Пентагон, денешната истрелана балистичка ракета од страна на Серверна Кореја е со среден дострел и таа не претставувала закана за американската територија Гуам.
Властите во Токио сметаат дека станува збор за интерконтинентална балистичка ракета. Вооружените сили на Јапонија не се обиделе да ја соборат ракетата.
Тоа е шести пат Пјонгјанг да истрела ракети над јапонска територија.
Јапонската Влада упати најостри критики поради најновите провокации на Северна Кореја.
Новата ракетна проба не влијаела на внатрешните и меѓународните авионски летови, соопштија денеска двата јапонски авио превозници „Ол Нипон Ервејз“ и „Џeпaн Ерлајнс“.
Сепак, времено бил прекинат железничкиот сообраќај во повеќе северни и североисточни реони на Јапонија.
Советот за безбедност на ОН денеска итно ќе се состане поради најновото ракетно тестирање на Северна Кореја, кое е извршено само неколку дена откако СБ на ОН усвои нови санкции против Пјонгјанг поради шестата нуклеарна проба на 3 септември.
Ново на Сител
-
Приведен штипјанец по пријава дека физички ја нападнал сопругата
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите
-
Ханије: Подготвени сме за сеопфатен договор, во согласност со планот на САД
-
ЦУК: Тешки бетонски блокови пред паѓање висат од тераса спроти Владата