Сеул се закани дека може да го разори Пјонгјанг
Официјален Сеул се закани денеска дека може „целосно да го разори„ севернокорејскиот главен град Пјонгјанг, доколку има навестување оти претстои нуклеарeн напад врз Јужна Кореја, јавуваат јужнокорејските медиуми, повикувајќи се на неидентификувани воени извори.
Според овие извори, секој дел од Пјонгјанг би можел да биде разурнат до темел од балистичките ракети и вискоко-експлозивните ракети на јужнокорејската армија.
Во петокот, Северна Кореја соопшти дека ја извршила својата пета по ред нуклеарна проба.
Меѓународната заедница остро ја осуди пробата и севернокорејското непочитување на забраната на ОН. Советот за безбедност на ОН, како и Јужна Кореја и Јапонија воведоа дополнителни санкции кон режимот во Пјонгјанг, а САД соопштија дека размислуваат за воведување на свои санкции .
Севернокорејските власти реагираа со исмевање на реакцијата на меѓународната заедница, нарекувајќи ги новите санкции „смешни„ и без ефект за Пјонгјанг. Во Сеул, заканите од јужнокорејскиот воен врв кон Северна Кореја се споредуваат со реториката што ја применува севернокорејската пропаганда.
Тие доаѓаат пред парламентарната дебата во Јужна Кореја околу најновата провокација од Северна Кореја и претставуваат потврда за зголемените тензии на Корејскиот Полуостров.
Нуклеарната проба од петокот, изнесувала 10 килотони и таа е досега најсилната што е изведена во Северна Кореја. Атомската бомба што САД ја фрлија врз Хирошима на самиот крај од Втората светска војна, изнесуваше 15 килотони.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ